راولپنڈی: انسداد دہشت گردی عدالت راولپنڈی نے 9 مئی کو جی ایچ کیو پر ہونے والے حملے کے دو ملزمان کی بریت کی درخواست مسترد کر دی۔
باغی ٹی وی: عدالت کے جج امجد علی شاہ کی زیر صدارت کیس کی سماعت ہوئی، جس میں ملزمان کرنل اجمل صابر اور سہیل عرفان عباسی کی بریت کی درخواست پر غور کیا گیا۔
پراسیکیوٹر ظہیر شاہ نے عدالت میں اپنے دلائل دیتے ہوئے کہا کہ ملزمان کے خلاف استغاثہ کے پاس کافی شواہد موجود ہیں اور ان پر فرد جرم عائد ہو چکی ہے انہوں نے مزید کہا کہ استغاثہ کے گواہان اپنے بیانات ریکارڈ کروا رہے ہیں، جو کہ مقدمے کی تفتیش میں مدد فراہم کر رہے ہیں۔
مہاکمبھ میلے کی مونا لیزا کو بالی ووڈ سے بڑی آفر مل گئی
بعد ازاں، انسداد دہشت گردی عدالت نے دونوں ملزمان کی بریت کی درخواست مسترد کرتے ہوئے کہا کہ موجودہ شواہد کی بنیاد پر ملزمان کے خلاف مقدمہ چلایا جائے گا کرنل اجمل صابر اور سہیل عرفان عباسی نے عدالت میں 265 کے تحت بریت کی درخواست دائر کی تھی، جسے عدالت نے مسترد کر دیا۔
یاد رہے کہ 9 مئی 2025 کو جی ایچ کیو پر ہونے والے حملے کے حوالے سے ملزمان کو گرفتار کیا گیا تھا اور ان پر دہشت گردی کے الزامات عائد کیے گئے تھے۔
اسٹیٹ بینک نے شرح سود میں کمی کر دی
