ہیوسٹن: وفاقی وزیر داخلہ محسن نقوی نے ہیوسٹن میں امریکی کانگریس مین اور فنانشل سروسز کمیٹی کے اہم رکن الیگزینڈر گرین سے ملاقات کی جس میں باہمی دلچسپی کے امور اور پاک-امریکہ تعلقات کے فروغ پر تبادلہ خیال کیا گیا۔
باغی ٹی وی : ملاقات کے دوران محسن نقوی نے کانگریس مین گرین کو افغانستان سے ہونے والی سرحد پار دراندازی اور دہشت گردی کی تفصیلات سے آگاہ کیاانہوں نے زلزلوں اور سیلاب سے متاثرہ پاکستانی عوام کی مدد کے لیے کانگریس مین گرین کی حمایت پر شکریہ ادا کیا۔
وزیر داخلہ نے فلسطین کے مسئلے پر کانگریس مین گرین کے اصولی موقف کو سراہتے ہوئے کہا کہ ان کی فلسطین کے لیے مضبوط آواز قابل تحسین ہے، اور ان کے اس موقف کو وسیع پیمانے پر پذیرائی ملی ہے پاک امریکہ تعلقات آنے والے دنوں میں مزید مضبوط ہوں گے۔
الیگزینڈر لوکاشینکو بیلا روس کے مسلسل 7ویں بار صدر منتخب
کانگریس مین الیگزینڈر گرین نے کہا کہ وہ جلد دوبارہ پاکستان کا دورہ کریں گے وہ پہلے ہی چار مرتبہ پاکستان کا دورہ کر چکے ہیں تاکہ زلزلوں اور سیلاب سے متاثرہ افراد کے ساتھ یکجہتی کا اظہار اور امداد فراہم کی جا سکے،ملاقات میں ہیوسٹن میں پاکستان کے قونصل جنرل محمد آفتاب چوہدری اور پاکستانی نژاد امریکی بزنس مین طاہر جاوید بھی شریک تھے۔
مجھے یقین ہے کہ یہ آئی ایم ایف کا آخری پروگرام ثابت ہوگا،وزیراعظم
