میرپورماتھیلو،باغی ٹی وی (نامہ نگارمشتاق لغاری) سکھر، میئر اور ڈپٹی کمشنر کے دوستانہ کرکٹ میچ کا انعقاد، میئر الیون کی فتح
سکھر میں میئر سکھر بیرسٹر ارسلان اسلام شیخ اور ڈپٹی کمشنر سکھر ایم بی راجہ دھاریجو نے کرکٹ میچ منعقد کروا کر نوجوانوں کو کھیل کی طرف راغب کیا۔
میونسپل جناح اسٹیڈیم میں ہونے والے T10 کرکٹ میچ میں میئر الیون نے پہلے بیٹنگ کرتے ہوئے 120 رنز کا ہدف دیا، جس کے تعاقب میں ڈی سی الیون 111 رنز پر آؤٹ ہوگئی۔ یوں سنسنی خیز مقابلے کے بعد میئر الیون نے کامیابی حاصل کرلی۔
تقسیم انعامات کی تقریب میں مہمان خصوصی اور معروف تاجر ملک محمد رضوان الحق نے صحت مند معاشرے کے لیے کھیلوں کی اہمیت پر زور دیا۔ میئر سکھر اور ڈپٹی کمشنر نے نمایاں کارکردگی دکھانے والے کھلاڑیوں میں انعامات تقسیم کیے، جبکہ ونر اور رنر اپ ٹیموں کو ٹرافیاں دی گئیں۔
میئر سکھر نے اس موقع پر کہا کہ "صحتمند دماغ کے لیے صحتمند جسم ضروری ہے، اور کھیل جسمانی و ذہنی صحت کے لیے بہترین ذریعہ ہیں۔” انہوں نے شہریوں، بالخصوص خواتین اور بچوں کے لیے جلد مزید صحت مند سرگرمیوں کی خوشخبری دینے کا اعلان کیا۔
