اوچ شریف (باغی ٹی وی)سڑک کنارے مسخ شدہ لاش برآمد، تحقیقات جاری
اوچ شریف میں افسوسناک واقعہ، سڑک کنارے ایک شخص کی مسخ شدہ لاش برآمد۔ ریسکیو 1122 کو اطلاع ملی کہ ایک نامعلوم شخص کا سر اور بازو بری طرح کچلے ہوئے ہیں۔
ریسکیو ٹیم نے فوری کارروائی کرتے ہوئے لاش کو تحویل میں لے لیا، جبکہ پولیس بھی موقع پر پہنچ گئی۔ متوفی کی شناخت رفیق حسین ولد غوث بخش کے طور پر ہوئی، جو محلہ گلانی، اوچ شریف کے رہائشی تھے اور عمر تقریباً 50 سال تھی۔
ابتدائی طور پر موت کی وجہ معلوم نہیں ہو سکی تاہم ریسکیو اور پولیس کی مشترکہ ٹیم تحقیقات میں مصروف ہے۔
