تنگوانی ،باغی ٹی وی(نامہ نگارمنصور بلوچ) قسمت کے عجیب رنگ، ایک ہی وقت میں تین گھروں میں ماتم اور ایک گھر میں خوشیوں کا سماں۔ تنگوانی کے قریب مائی مسجد اسٹاپ، گاؤں عبدالکریم جاگرانی میں جہاں ایک طرف ملک برادری کے ولیمے میں بریانی اور خوشیوں کی محفل جاری تھی تووہیں دوسری جانب تین گھروں میں جنازے اٹھ رہے تھے۔
جے یو آئی رہنما استاد خادم حسین جعفری کی والدہ کے انتقال پر بڑی تعداد میں علما جنازے میں شریک ہوئے، جہاں بریانی اور بڑے گوشت سے مہمانوں کی تواضع کی گئی۔ اسی گاؤں میں معزز شخصیات، تھاریو جاگرانی اور رحمت جاگرانی بھی یکے بعد دیگرے انتقال کر گئے، جس سے پورے علاقے میں سوگ کی فضا چھا گئی۔
دلچسپ اور حیران کن طور پر ایک ہی وقت میں ولیمے اور تین جنازوں میں بریانی کے دیگیں پکائی گئیں،کہیں غم کے آنسو تو کہیں خوشیوں کی ہنسی۔ یہ لمحہ خدا کی قدرت اور ہمارے روایتی رسومات کا منفرد امتزاج بن گیا، جہاں موت اور زندگی ساتھ ساتھ چلتی دکھائی دی۔
