سیکورٹی فورسز نے دہشت گردوں کے خلاف خیبر پختونخوا کے مختلف علاقوں میں آپریشن کئے ہیں
ڈی جی آئی ایس پی آر کے مطابق آپریشن کے دوران 10 خارجی جہنم واصل ہوئے، ہلاک خارجیوں کے ٹھکانے سے اسلحہ،گولہ بارود بھی برآمد ہوا ہے،دہشت گردوں کے خلاف آپریشن ڈی آئی خان اور وزیرستان میں کئے گئے،ہلاک دہشت گرد شہریوں کے قتل اور دہشت گردی کے واقعات میں ملوث تھے،
وزیراعظم کی فتنہ الخوارج کیخلاف کامیاب کارروائیوں پر سکیورٹی فورسز کی ستائش
وزیراعظم پاکستان محمد شہباز شریف نے سکیورٹی فورسز کی جانب سے حالیہ کامیاب کارروائیوں پر ان کی تعریف کرتے ہوئے کہا کہ پاکستان کی سکیورٹی فورسز نے فتنہ الخوارج (خارجی دہشت گردوں) کے خلاف بہترین حکمت عملی کے ذریعے بڑی کامیابیاں حاصل کی ہیں۔ وزیراعظم نے اس بات پر زور دیا کہ ملک میں دہشت گردی کے خاتمے کے لئے سکیورٹی فورسز کی محنت اور عزم قابل ستائش ہیں۔وزیراعظم نے اس کامیاب کارروائی میں 10 دہشت گردوں کے مارے جانے پر سکیورٹی فورسز کو خراج تحسین پیش کیا اور کہا کہ ان دہشت گردوں کا خاتمہ پاکستان کے عوام کی حفاظت کے لئے ایک اہم قدم ہے۔ انہوں نے اس بات کا عہد کیا کہ دہشت گردی کے خلاف جنگ میں سکیورٹی فورسز کی پشت پناہی کرتے ہوئے ہر ممکن اقدام اٹھایا جائے گا۔
"قوم دہشت گردی کے خلاف جنگ میں سکیورٹی فورسز کے ساتھ کھڑی ہے”، وزیراعظم کا کہنا تھا۔ انہوں نے مزید کہا کہ ملک میں امن و امان کی صورتحال بہتر بنانے کے لئے حکومت اور سکیورٹی فورسز مل کر تمام وسائل بروئے کار لائیں گے تاکہ دہشت گردوں کا خاتمہ مکمل طور پر کیا جا سکے۔وزیراعظم نے یہ بھی کہا کہ دہشت گردوں کی شکست کے ساتھ ہی پاکستان کی سکیورٹی فورسز نے اپنے عزم کا اظہار کیا ہے کہ وہ ملک کی سلامتی اور امن کی خاطر ہر قربانی دینے کو تیار ہیں۔ ان کا کہنا تھا کہ دہشت گردی کے خاتمے کے لیے حکومت ہر سطح پر اقدامات کرے گی اور ملک کے عوام کی حفاظت کو یقینی بنانے کے لیے تمام وسائل کو بروئے کار لایا جائے گا۔وزیراعظم محمد شہباز شریف نے آخر میں کہا کہ پاکستان کی سکیورٹی فورسز کو تمام سیاسی، سماجی اور قوم کی بھرپور حمایت حاصل ہے اور وہ دہشت گردی کے خاتمے کے لیے اپنے مشن میں کامیاب ہوں گے۔
سندھ ہائی کورٹ میں اے ایس آئی ترقیوں میں کورس کی شرط چیلنج
آشنا سے شادی کیلئے سفاک ماں نے ڈیڑھ سالہ بچےکی جان لے لی
