لاہور ،باغی ٹی وی(سٹاف رپورٹ) باغی ٹی وی کی 13ویں سالگرہ کے موقع پر ایک سادہ مگر پروقار تقریب باغی ٹی وی کے ہیڈ آفس میں منعقد ہوئی، جس میں ادارے کے ساتھ وابستہ کالم نگاروں اور نمایاں خدمات سرانجام دینے والے افراد کو اعزازی سرٹیفکیٹ سے نوازا گیا۔
تقریب میں باغی ٹی وی کے سی ای او، معروف صحافی اور سینئر اینکر پرسن مبشر لقمان نے اپنے ہاتھوں سے نمایاں لکھاریوں کو سرٹیفکیٹ دیے۔ اس موقع پر نوید شیخ، ملک فیصل رمضان، عبداللہ آصف، اور ایڈیٹر باغی ٹی وی ممتاز حیدر اعوان کو خصوصی اعزازات سے نوازا گیا، جبکہ انچارج نمائندگان ڈاکٹر غلام مصطفی بڈانی کا سرٹیفکیٹ ایڈیٹر ممتاز حیدر اعوان نے وصول کیا۔
مبشر لقمان نے اس موقع پر تمام لکھاریوں اور صحافتی خدمات انجام دینے والوں کو مبارکباد پیش کی اور باغی ٹی وی کے لیے ان کی خدمات پر شکریہ ادا کیا۔ انہوں نے کہا کہ باغی ٹی وی ہمیشہ حق اور انصاف کی آواز بلند کرتا رہے گا اور اصلاحی و تحقیقی صحافت کے اصولوں پر کاربند رہے گا۔
انہوں نے مزید کہا کہ باغی ٹی وی پر شائع ہونے والی تمام خبریں مصدقہ ذرائع پر مبنی ہوتی ہیں اور یہ ادارہ زرد صحافت کے خلاف ہمیشہ کھڑا رہے گا۔ باغی ٹی وی اعلیٰ صحافتی اقدار کا حامل ایک معتبر ادارہ ہے جو بغیر کسی دباؤ کے حقائق پر مبنی خبریں عوام تک پہنچانے کا مشن جاری رکھے ہوئے ہے
تقریب میں شریک افراد نے باغی ٹی وی کی 13 سالہ کامیاب صحافتی خدمات کو سراہا اور ادارے کے مزید ترقی کرنے کے لیے نیک خواہشات کا اظہار کیا۔
باغی ٹی وی کی 13ویں سالگرہ، نمایاں صحافتی خدمات پر سرٹیفکیٹ تقسیم
