حافظ آباد،باغی ٹی وی (خبرنگارشمائلہ کی رپورٹ)جعلی دیسی گھی فروخت کرنے والے دکاندار کے خلاف مقدمہ درج
تفصیل کے مطابق حافظ آباد میں پنجاب فوڈ اتھارٹی کی بڑی کارروائی، عوام کو دیسی گھی کے نام پر جعلی اور مضر صحت گھی فروخت کرنے والے دکاندار کے خلاف تھانہ سٹی حافظ آباد میں مقدمہ درج کروا دیا گیا۔
تفصیلات کے مطابق گوجرانوالہ روڈ، اندرون ریلوے پھاٹک پر واقع "دیسی گھی شاپ” کے مالک کے خلاف پنجاب فوڈ اتھارٹی کی مدعیت میں مقدمہ درج کیا گیا۔ حکام کے مطابق دکان سے گھی کے نمونے لیے گئے، جو لیبارٹری ٹیسٹ میں فیل ہو گئے، جس کے بعد قانونی کارروائی عمل میں لائی گئی۔
پنجاب فوڈ اتھارٹی نے عوام سے اپیل کی ہے کہ وہ جعلی اشیائے خور و نوش کی فروخت کے خلاف 1223 پر اطلاع دیں۔ ملاوٹ شدہ خوراک انسانی صحت کے لیے انتہائی خطرناک ہے، اور جو افراد کھانے پینے کی اشیاء میں ملاوٹ کرتے ہیں، وہ عوام کے کھلے دشمن ہیں۔
پنجاب حکومت خالص اور معیاری خوراک کی فراہمی کے لیے سخت اقدامات کر رہی ہے، تاکہ عوام تک صحت مند غذائی اجزاء پہنچ سکیں۔
