حافظ آباد،باغی ٹی وی (خبر نگار) گورنمنٹ پوسٹ گریجویٹ کالج کے پروفیسر عثمان حنیف ساقی کے سیٹلائٹ ٹاون میں واقع گھر میں چوری کی بڑی واردات ہوئی، جس میں چوروں نے ایک موٹر سائیکل، 11 لاکھ روپے سے زائد مالیت کے زیورات، نقدی اور دیگر قیمتی سامان چرالیا۔
تفصیلات کے مطابق پروفیسر عثمان حنیف ساقی لاہور گئے ہوئے تھے اور اس دوران نامعلوم چوروں نے ان کے گھر میں داخل ہو کر تقریباً 11 لاکھ روپے مالیت کا سامان، نقدی اڑھائی لاکھ روپے، مکان کی رجسٹری، موٹر سائیکل اور دو کاروں کے کاغذات چرا لیے۔ پولیس نے مقدمہ درج کر کے تفتیش شروع کر دی ہے، مگر ابھی تک کسی بھی ملزم کا سراغ نہیں لگایا جا سکا۔
پولیس نے فوری طور پر کارروائی کا آغاز کرتے ہوئے اس واردات کے ملزمان کی تلاش شروع کر دی ہے۔
