کراچی,باغی ٹی وی(نمائندہ خصوصی ڈاکٹربشیربلوچ) بھاری مقدار میں منشیات برآمد، 3 خواتین سمیت 7 گرفتار
تفصیلات کے مطابق اینٹی نارکوٹکس فورس (اے این ایف) نے مختلف شہروں میں کارروائیاں کرتے ہوئے بھاری مقدار میں منشیات برآمد کر لی اور 3 خواتین سمیت 7 ملزمان کو گرفتار کر لیا۔
ترجمان اے این ایف کے مطابق اسلام آباد، پشاور، چنیوٹ اور ملتان میں چھاپے مارے گئے، جن میں مجموعی طور پر 33.839 کلو گرام منشیات برآمد ہوئی۔ پکڑی گئی منشیات میں 11.127 کلو چرس، 6 کلو آئس، 6 کلو افیون اور 4 کلو ہیروئن شامل ہے۔
گرفتار ملزمان کے خلاف انسدادِ منشیات ایکٹ کے تحت مقدمات درج کر لیے گئے ہیں، جبکہ مزید تحقیقات جاری ہیں۔
