ٹھٹھہ،باغی ٹی وی(ڈسٹرکٹ رپورٹر بلاول سموں) پولیس کے ساتھ فائرنگ کے تبادلے میں ایک ایکٹو کریمنل زخمی حالت میں گرفتار کرلیا گیا۔ تفصیلات کے مطابق، تھانہ ٹھٹھہ کی حدود فقیر گوٹھ لنک روڈ پر پولیس اور ملزمان کے درمیان فائرنگ ہوئی جس میں ایک ملزم عمر ولد ماموں گندرو، شیخ فرید چوک ٹھٹھہ سے زخمی حالت میں گرفتار ہوا۔
ابتدائی تفتیش کے مطابق ملزم مختلف علاقوں میں چوری، ڈکیتی، رابری، اور موٹرسائیکل چھیننے جیسے جرائم میں ملوث ہے۔ گرفتار ملزم سے جرائم میں استعمال کی گئی پسٹل بھی برآمد ہوئی ہے۔ پولیس مزید تفتیش کر رہی ہے اور جرائم پیشہ افراد کے خلاف کریک ڈاؤن جاری ہے۔
