مذہب کو تقسیم کے بجائے اتحاد کے لیے استعمال کیا جانا چاہیے،بلاول بھٹو زرداری
واشنگٹن: پاکستان پیپلز پارٹی کے چیئرمین بلاول بھٹو زرداری نے کہا ہے کہ مذہب کو تقسیم کے بجائے اتحاد کے لیے استعمال کیا جانا چاہیے-
باغی ٹی وی : واشنگٹن میں منعقدہ نیشنل پریئر بریک فاسٹ میں شرکت کے بعد میڈیا سے گفتگو کرتے ہوئے بلاول بھٹو زرداری نے بتایا کہ اس تقریب میں دنیا بھر سے افراد شریک ہوئے جبکہ امریکا کے سابق صدر ڈونلڈ ٹرمپ نے بھی تقریب میں شرکت کی، یہ ایک بہترین موقع تھا جہاں بین المذاہب ہم آہنگی پر تبادلہ خیال کیا گیا،پاکستان اور امریکا کے عوامی سطح پر تعلقات کو مزید مضبوط بنایا جانا چاہیے۔
بلاول بھٹو زرداری نے تقریب کی اختتامی نشست سے خطاب بھی کیا اور اس دوران انہوں نے زور دیا کہ مذہب کو تقسیم کے بجائے اتحاد کے لیے استعمال کیا جانا چاہیےنیشنل پریئر بریک فاسٹ بین المذاہب ہم آہنگی کے فروغ کے لیے ایک عمدہ موقع ہے، جہاں انہیں امریکی کانگریس کے اراکین سے بھی ملاقات کا موقع ملا، وہ اب وزیر خارجہ نہیں رہے اس لیے یہ تمام ملاقاتیں ذاتی حیثیت میں کیں بلاول بھٹو زرداری نے اس موقع پر پاکستان اور امریکا کے درمیان عوامی سطح پر مزید روابط استوار کرنے کی ضرورت پر بھی زور دیا۔
ملک کے مختلف علاقوں میں بارش و برفباری کی پیشگوئی
