لاہور (باغی ٹی وی) شیرا کوٹ پولیس نے کارروائی کرتے ہوئے منشیات فروشی میں ملوث باپ بیٹی گینگ کو گرفتار کر لیا، جن سے 11 کلوگرام چرس برآمد ہوئی۔
پولیس کے مطابق ملزمان حیات اللہ اور اس کی بیٹی رومیشہ پشاور سے لاہور منشیات سپلائی کر رہے تھے۔ ناکا چیکنگ کے دوران مشکوک گاڑی کی تلاشی لی گئی تو بھاری مقدار میں چرس برآمد ہوئی۔
ڈی ایس پی مبشر اعوان کی نگرانی میں کارروائی کے بعد ملزمان کو تھانہ شیرا کوٹ منتقل کر دیا گیا جبکہ منشیات قبضے میں لے لی گئی۔ پولیس کا کہنا ہے کہ یہ کارروائی منشیات کی اسمگلنگ کے خلاف بڑی کامیابی ہے اور مزید تفتیش جاری ہے۔
