لیبیا میں پاکستانیوں سمیت 65 تارکینِ وطن کو لے جانے والی ایک اور کشتی کو گزشتہ روز ایک ہولناک حادثہ پیش آیا ہے جس میں 7 پاکستانیوں کی موت کی تصدیق ہو گئی ہے۔
وفاقی تحقیقاتی ایجنسی (ایف آئی اے) کے مطابق، جاں بحق ہونے والے پاکستانیوں کا تعلق خیبر پختون خوا سے ہے، جن میں 6 افراد ضلع کرم اور 1 شخص کا تعلق باجوڑ سے ہے۔ایف آئی اے کا کہنا ہے کہ جاں بحق پاکستانیوں کی شناخت ان کے پاسپورٹس کی مدد سے کی گئی ہے۔ ابتدائی اطلاعات کے مطابق، اس حادثے میں 16 پاکستانی جاں بحق ہوئے ہیں۔
دفترِ خارجہ کے ترجمان کی جانب سے پیر کے روز جاری کیے گئے بیان میں بتایا گیا کہ طرابلس میں پاکستان کے سفارت خانے نے مطلع کیا ہے کہ ایک بحری جہاز، جس میں تقریباً 65 مسافر سوار تھے، لیبیا کے زاویہ شہر کے شمال مغرب میں واقع مارسا ڈیلا کی بندرگاہ کے قریب الٹ گیا۔ترجمان نے مزید کہا کہ پاکستانی سفارت خانے نے فوری طور پر ایک ٹیم زاویہ اسپتال روانہ کی ہے تاکہ مرنے والوں کی شناخت کے عمل میں مقامی حکام کی مدد کی جا سکے۔اس حادثے نے ایک بار پھر تارکینِ وطن کی حالتِ زار اور غیر قانونی راستوں پر سفر کرنے والے افراد کی جانوں کو خطرے میں ڈالنے والی حقیقت کو اجاگر کیا ہے۔
امریکا، دو چھوٹے طیارے آپس میں ٹکرا گئے،ایک شخص ہلاک
انسانی اسمگلنگ کے خلاف بھرپور اقدامات اٹھا رہے ہیں.وزیراعظم
وزیراعظم محمد شہباز شریف نے لیبیا کے ساحل پر کشتی کے حادثے اور اس میں جاں بحق ہونے والے پاکستانیوں پر گہرے دکھ اور افسوس کا اظہار کیا،وزیراعظم نے حادثے میں جاں بحق ہونے والے افراد کی بلندی ء درجات کی دعاء کی،وزیراعظم نے جاں بحق ہونے والے افراد کے لواحقین سے اظہار تعزیت کی،وزیراعظم نے متعلقہ حکام سے واقعے کی رپورٹ طلب کرلی ،وزیراعظم نے وزارت خارجہ حکام کو جاں بحق پاکستانیوں کی شناخت جلد از جلد مکمل کرنے اور متاثرہ افراد کو ہر ممکن امداد فراہم کی ہدایت کی اور کہا کہ انسانی اسمگلنگ جیسے مکروہ عمل میں ملوث افراد کے خلاف سخت کارروائی ہو گی ماس حوالے سے کسی بھی قسم کوئی کوتاہی برداشت نہیں کی جائے گی ، انسانی اسمگلنگ کے خلاف بھرپور اقدامات اٹھا رہے ہیں.
