اسلام آباد ہائی کورٹ نے متنازعہ پیکا ترمیمی ایکٹ کے خلاف درخواستوں پر وزارتِ قانون، وزارتِ اطلاعات اور وزارتِ داخلہ کو نوٹس جاری کر دیے ہیں۔
جسٹس راجہ انعام امین منہاس کی سربراہی میں دو رکنی بینچ نے پاکستان فیڈرل یونین آف جرنلسٹس (پی ایف یو جے) اور دیگر درخواست گزاروں کی درخواستوں پر تحریری حکم جاری کیا۔ عدالت نے وزارتِ انفارمیشن ٹیکنالوجی (آئی ٹی) اور وزارتِ داخلہ کو بھی نوٹس جاری کرتے ہوئے جواب طلب کر لیا ہے۔ عدالت نے وفاقی تحقیقاتی ادارے (ایف آئی اے) اور پاکستان الیکٹرانک میڈیا ریگولیٹری اتھارٹی (پیمرا) کو بھی نوٹس جاری کر دیے ہیں اور ان سے دو ہفتوں کے اندر جواب طلب کر لیا ہے۔
ہائی کورٹ نے اٹارنی جنرل کو بھی کیس میں معاونت فراہم کرنے کے لیے نوٹس جاری کر دیا ہے تاکہ عدالت کو اس معاملے میں مزید قانونی نقطہ نظر فراہم کیا جا سکے۔
واضح رہے کہ پیکا ایکٹ کو اسلام آباد ہائیکورٹ میں چیلنج کیا گیا تھا
