اوچ شریف ،باغی ٹی وی(نامہ نگارحبیب خان)دو موٹر سائیکلوں میں خوفناک تصادم، خاتون سمیت دو زخمی
تفصیل کے مطابق تحصیل احمد پور شرقیہ کے علاقے کوٹلہ موسیٰ خان اڈہ میں دو موٹر سائیکلیں آپس میں ٹکرا گئیں، جس کے نتیجے میں دو افراد شدید زخمی ہوگئے۔ حادثہ کی اطلاع ملتے ہی ریسکیو 1122 کا عملہ فوری طور پر موقع پر پہنچا۔
ریسکیو ذرائع کے مطابق دو موٹر سائیکلیں تیز رفتاری کے باعث آمنے سامنے سے ٹکرا گئیں، جس کے نتیجے میں 50 سالہ رحیم بخش ولد جند وڈا اور 40 سالہ حسینہ مائی زوجہ اللہ یار شدید زخمی ہوگئے۔ دونوں زخمیوں کو سر پر گہرے زخم آئے، جن سے کافی خون بہہ رہا تھا۔ ریسکیو عملے نے موقع پر پہنچ کر فوری طبی امداد فراہم کی اور بعد ازاں انہیں تحصیل ہیڈکوارٹر ہسپتال احمد پور شرقیہ منتقل کر دیا گیا۔
