اوچ شریف،باغی ٹی وی (نامہ نگارحبیب خان) تیز رفتار ہائی ایس کی موٹر سائیکل کو ٹکر، ایک جاں بحق، دوسرا زخمی
تفصیل کے مطابق اوچ شریف روڈ پر جبار شہید پیٹرولنگ پولیس کے قریب ایک افسوسناک حادثہ پیش آیا، جس میں ہائی ایس کی تیز رفتاری نے دو موٹر سائیکل سواروں کو نشانہ بنا لیا۔
ریسکیو ذرائع کے مطابق ہائی ایس نے بے قابو ہو کر سامنے آتے ہوئے موٹر سائیکل کو زور دار ٹکر مار دی۔ حادثے کے نتیجے میں 80 سالہ سردار احمد ہیڈ انجری کے باعث موقع پر ہی جاں بحق ہو گیاجبکہ 45 سالہ ریاض احمد شدید زخمی ہو ا، جنہیں فوری طور پر احمد پور شرقیہ تحصیل ہیڈکوارٹر ہسپتال منتقل کر دیا گیا۔
حادثہ اس وقت پیش آیا جب دونوں افراد اپنی موٹر سائیکل پر جا رہے تھے کہ اچانک ہائی ایس نے انہیں ٹکر مار دی۔ ریسکیو سٹاف نے فوری طور پر موقع پر پہنچ کر جاں بحق ہونے والے شخص کی لاش کو ورثاء کے حوالے کیا اور زخمی کو طبی امداد کے لیے ہسپتال منتقل کیا۔
حادثہ میں جاں بحق شخص اور زخمی ہونے والے 45 سالہ ریاض احمد کا تعلق احمد پور شرقیہ کے نواحی علاقہ مڈ رشید سے بتایا گیاہے۔
