پاکستان میں کاروباری اعتماد میں بتدریج اضافہ ہوا ہے۔
گیلپ سروے کے مطابق پاکستان کا کاروباری اعتماد پچھلے 6 ماہ میں 10فیصد بڑھا ہے،55فیصد پاکستانی کاروبار میں بہتری کی اطلاع دے رہے ہیں،کاروباری توقعات میں 19فیصد اضافہ ہوا۔پاکستان میں کاروباری صورتحال غیر یقینی ہونے کا تاثر 7 فیصد کم ہو چکا ،مستقبل کے حوالے سے کاروباری اعتماد میں 36 فیصد اضافہ ہوا۔سروے رپورٹ میں مزید کہا گیا ہے کہ مہنگائی اور شرح سود میں کمی کاروباری اعتماد میں اضافے کے عوامل ہیں۔گیلپ پاکستان نے حالیہ سروے ملک کے 30 سے زائد اضلاع میں کیا،482چھوٹے، درمیانے اور بڑے کاروباروں کا سروے کیا گیا۔
گیپ سروے کے مطابق کاروباری طبقے نے بجلی کی لوڈشیڈنگ میں کمی جبکہ 56فیصد نے لوڈشیڈنگ نہ ہونے کی اطلاع دی. حالیہ گیلپ سروے اس بات کی غمازی کرتا ہے کہ تجارتی شعبے میں کاروباری افراد کا اعتماد بحال ہوا،یہ تازہ ترین سروے سہ ماہی کاروباری اعتماد کے سروے کا 14 واں ایڈیشن ہے،بزنس کانفیڈنس انڈیکس ایک اہم بیرومیٹر ہے جو کسی بھی ملک میں کاروباری برادری کے جذبات کو ظاہر کرتا ہے.بزنس کانفیڈنس انڈیکس کو پوری دنیا میں پالیسی ساز استعمال کرتے ہیں.
سیکیورٹی فورسز کی جنوبی وزیرستان میں کارروائی، 30 خارجی دہشتگرد ہلاک
بغیر پیشگی اجازت کے کے ایم سی کی سڑکوں کو نہ کاٹا جائے،میئرکراچی
عوام کو بنیادی سہولیات کی فراہمی حکومت کی بنیادی ذمہ داری ہے۔سیف اللہ خالد
