سیالکوٹ، باغی ٹی وی(بیوروچیف شاہدریاض) وزارت مذہبی امور کے زیر اہتمام عازمین حج کی تربیتی نشست، 2500 افراد کی شرکت
سیالکوٹ میں وزارت مذہبی امور کے زیر اہتمام وزیر آباد روڈ پر واقع جیسمین مارکی میں عازمین حج کی تربیتی نشست منعقد کی گئی، جس میں ضلع سیالکوٹ کے 2500 عازمین کو مناسک حج، حج ایپ کے استعمال، شکایات کے ازالے اور انتظامی امور سے متعلق آگاہی دی گئی۔
ترجمان وزارت مذہبی امور عمر بٹ کے مطابق ملک بھر میں 18 جنوری سے 27 فروری تک 147 تحصیلوں میں عازمین حج کی پہلی ایک روزہ تربیت دی جائے گی، جبکہ رمضان کے بعد دوسری نشست میں حاجی کیمپ، ویکسینیشن اور دیگر پروسیجرز پر رہنمائی فراہم کی جائے گی۔ انہوں نے مزید بتایا کہ 20 فروری کو نارووال میں بھی تربیتی نشست منعقد کی جائے گی۔
