صدقہ فطر اور فدیہ صوم کا نصاب جاری

اسلام آباد: چیئرمین اسلامی نظریاتی کونسل علامہ ڈاکٹر راغب حسین نعیمی نے رواں سال صدقہ فطر اور فدیہ صوم کا نصاب جاری کر دیا ہے-

باغی ٹی وی : چیئرمین اسلامی نظریاتی کونسل کے مطابق کم از کم صدقہ فطر 220 روپے فی کس ادا کیا جائے گا صاحب استطاعت افراد کو گندم پر انحصار کرنے کے بجائے اپنی مالی حیثیت کے مطابق صدقہ فطر ادا کرنا چاہیے تاکہ زیادہ سے زیادہ مستحقین کی مدد ہو سکے صدقہ الفطر ہر غلام، آزاد، مرد، عورت، چھوٹے اور بڑے مسلمان پر فرض ہے، انہوں نے ہدایت کی کہ پنجاب کے علاوہ دیگر صوبوں کے رہائشی اپنے علاقوں میں اجناس کی قیمتوں کے مطابق صدقہ فطر اور فدیہ صوم ادا کریں۔

مختلف اجناس کے حساب سے نصاب درج ذیل ہوگا:گندم کے حساب سے 220 روپے، جو کے حساب سے 450 روپے،کھجور کے حساب سے 1650 روپے،کشمش کے حساب سے 2500 روپے،منقی کے حساب سے 5000 روپے ہو گا-

روزوں کا فدیہ

گندم کے حساب سے 30 روزوں کا فدیہ 2200 روپے، جو کے حساب سے 13500 روپے، کھجور کے حساب سے 29500 روپے، کشمش کے حساب سے 75000 روپے، منقی کے حساب سے 50000 روپے فدیہ ہو گا-

انہوں نے یہ بھی واضح کیا کہ جان بوجھ کر روزہ توڑنے کا کفارہ مسلسل 60 روزے رکھنا یا 60 مساکین کو دو وقت کا کھانا کھلانا ہے،جبکہ سرکاری سبسڈی والا آٹا استعمال کرنے والے افراد 60 روپے بھی صدقہ فطر کے طور پر ادا کر سکتے ہیں۔