لاہور میں پاکستان کی پہلی انڈرگراؤنڈ بلیولائن میٹرو ٹرین شروع کرنے کا فیصلہ کیا گیا ہے ،27 کلومیٹر پر مشتمل انڈر گراؤنڈ میٹرو ٹرین پر 600 ارب سے زائد لاگت آئے گی۔
باغی ٹی وی کے مطابق انڈر گراؤنڈ بلیو لائن میٹرو ٹرین ویلنشیا ٹاؤن سے شروع ہو کربابو صابو پہنچے گی،میٹرو ٹرین جوہر ٹاؤن، فیصل ٹاؤن، گارڈن ٹاؤن، کلمہ چوک مین بلیوارڈ گلبرگ سے گزرے گی۔جیل روڈ، فیروز پور روڈ، وحدت روڈ، مین بلیوارڈ علامہ اقبال ٹاؤن بھی میٹرو کے روٹ میں شامل ہیں، ترجمان کا کہنا ہے کہ محکمہ ٹرانسپورٹ پنجاب نے فزیبلٹی اینڈ ڈیزائن پر ورکنگ کا آغاز کر دیا۔بلیو لائن میٹرو ٹرین پروجیکٹ کی تکمیل کے لیے 3 سال کا ہدف مقرر کیا گیا ہے۔واضح رہے کہ اس وقت لاہور شہر میں پہلے ہی میٹرو بس سروس اور اورنج لائن ٹرین کی سہولت موجود ہے جس سے روزنہ لاکھوں شہری مستفید ہوتے ہیں.
تنگوانی: خسرہ کی وباء بے قابو، ہلاکتوں کی تعداد 8 ہو گئی
سیالکوٹ: یوتھ پالیسی کی بنیاد شہباز شریف نے رکھی، نوجوان ملک کا مستقبل ہیں، رانا مشہود
