سیالکوٹ( باغی ٹی وی رپورٹ) موبائل گیم پر شرط، 12 سالہ لڑکے کا قتل
تفصیلات کے مطابق سیالکوٹ کے علاقے ہیڈ مرالہ میں ایک افسوسناک واقعہ پیش آیا جہاں 12 سالہ لڑکے کو اس کے ہم عمر دوست نے معمولی تلخ کلامی کے بعد قتل کر دیا۔
مقتول ذوہیب اور اس کا دوست محمد علی موبائل گیم کھیل رہے تھے، جہاں دونوں کے درمیان جیتنے پر شرط لگائی گئی۔ ذوہیب کے جیتنے پر محمد علی مشتعل ہوگیا اور اس نے ذوہیب کو شدید تشدد کا نشانہ بنایا۔ مار پیٹ کے نتیجے میں 12 سالہ ذوہیب زخموں کی تاب نہ لاتے ہوئے موقع پر ہی جاں بحق ہوگیا۔
واقعے کی اطلاع ملتے ہی پولیس نے موقع پر پہنچ کر کارروائی شروع کردی۔ پولیس حکام کے مطابق کم سن ملزم محمد علی کو حراست میں لے کر اس کے خلاف مقدمہ درج کرلیا گیا ہے۔ مزید تفتیش جاری ہے تاکہ واقعے کے محرکات اور دیگر پہلوؤں کا جائزہ لیا جا سکے۔
