سیالکوٹ ،باغی ٹی وی( بیوروچیف شاہد ریاض) ٹریفک قوانین سب کے لیے برابر، کیمرہ غیر جانبدار نکلا! سیالکوٹ میں ایک ٹریفک پولیس آفیسر کو ہیلمٹ کے بغیر موٹر سائیکل چلانا مہنگا پڑ گیا، چار مرتبہ خلاف ورزی کرنے پر ای چالان کے ذریعے آٹھ ہزار روپے جرمانہ عائد کر دیا گیا۔
ٹریفک پولیس حکام کا کہنا ہے کہ قانون کی نظر میں کوئی بھی شخص خصوصی رعایت کا مستحق نہیں، چاہے وہ پولیس افسر ہو، وکیل، صحافی یا سیاستدان۔ ٹریفک قوانین کی پاسداری ہر شہری کی ذمہ داری ہے، اور خلاف ورزی پر بلاامتیاز کارروائی کی جائے گی۔
عوام کو ہدایت دی گئی ہے کہ ٹریفک قوانین کی مکمل پاسداری کریں، ہیلمٹ کا استعمال یقینی بنائیں تاکہ نہ صرف جرمانے سے بچا جا سکے بلکہ اپنی قیمتی جان کی حفاظت بھی کی جا سکے۔
