چین میں مصنوعی ذہانت سے تخلیق کردہ گرل فرینڈ چونا لگا کر 28 ہزار ڈالر لے اڑی۔
رپورٹ کے مطابق چین میں آن لائن اسکیمرز نے آرٹیفیشل انٹیلی جینس (اے آئی) کا استعمال کرتے ہوئے ایک شخص سے 28 ہزار ڈالر ہتھیا لیے۔ شنگھائی کے شہری کو اے آئی سے تیار کی گئی گرل فرینڈ کے ساتھ ’تعلق‘ کے باعث 28 ہزار ڈالر سے ہاتھ دھونے پڑے۔چینی نشریاتی ادارے ’سی سی ٹی وی‘ کے مطابق اسکیمرز نے اے آئی سافٹ ویئر استعمال کرتے ہوئے ایک لڑکی کی حقیقت پسندانہ ویڈیوز اور تصاویر تیار کیں۔ جنریٹو اے آئی سافٹ ویئر سے تیار کی گئی اس لڑکی’مس جیاؤ’ کا فرضی نام دیا گیا تھا۔
اسکیمرز نے جعلی تصاویر کا استعمال کرتے ہوئے مذکورہ شخص کو قائل کیا کہ اس کی ’ گرل فرینڈ’ یعنی مس جیاؤ کو کاروبار شروع کرنے اور ایک رشتے دار کے علاج میں مدد کے لیے پیسوں کی ضرورت ہے۔اس کے بعد متاثرہ شخص نے تقریباً دو لاکھ یوآن (لگ بھگ 28 ہزار ڈالر) ایک بینک اکاؤںٹ میں ٹرانسفر کیے جو ان کے خیال میں ان کی آن لائن محبوبہ کا اکاؤنٹ تھا۔رپورٹ کے مطابق اسکیمرز نےاپنے بچھائے گئے جال کو مزید مضبوط کرنے کے لیے جعلی آئی ڈی اور میڈیکل رپورٹس تک تیار کی تھیں۔
پولیس کی تفتیش میں سامنے آیا کہ ایک اسکیمر ٹیم ویڈیوز اور تصاویر بھیج رہی تھی جو تمام یا تو اے آئی کے ذریعے تیار کی گئی تھیں یا بہت سی تصاویر کو ملا کر بنائی گئی تھیں۔اس پورے عرصے کے دوران متاثرہ شخص لیو کی اپنی گرل فرینڈ جیاؤ سے کبھی دو بدو ملاقات نہیں ہوئی تھی اور ہوتی بھی کیسے؟’سی سی ٹی وی‘ کی رپورٹ کے مطابق ایک ویڈیو میں خاتون کی مختلف انداز اور پس منظر میں تصاویر دکھائی گئی ہیں۔
بڑھتے ہوئے اے آئی ٹولز ٹیکسٹ، تصاویر اور یہاں تک کے لائیو ویڈیوز بنانے کی بھی صلاحیت رکھتے ہیں جس نے دنیا بھر میں اسکیمز اور دھوکہ دہی کے واقعات میں اضافہ کرد یا ہے۔رواں ماہ کے اوائل میں امریکی سوشل میڈیا کمپنی میٹا نے انٹرنیٹ صارفین کو خبردار کیا تھا کہ وہ آن لائن تعلقات سے محتاط رہیں کیوں کہ جنریٹو اے آئی کے استعمال کے ذریعے فراڈ میں اضافہ ہو رہا ہے۔
صطفی عامر قتل کیس: آئی جی سندھ اورکراچی پولیس چیف وزیراعلیٰ ہاؤس طلب
سندھ میں 13 جعلی ادویات کمپنیوں کے ناموں سے فروخت ہونے کا انکشاف
صدر آصف زرداری کی لاہور آمد، نواز شریف سے ملاقات کا امکان
