وزیراعلیٰ پنجاب مریم نوازشریف کی صدارت میں ہونے والے اجلاس میں صوبے کے 170سیاحتی مقامات اور ٹریلز کی تعمیر ومرمت اور بحالی کی اصولی منظوری دی گئی ۔ٹورازم پلان کے تحت پنجاب بھر میں مذہبی تاریخی ،قدیمی ورثہ ،آثار قدیمہ اور ایکٹو ٹورازم کو فروغ دیا جائے گا ۔
اجلاس میں وزیراعلیٰ مریم نوازشریف نے پنجاب کی پہلی ٹورازم اینڈ ہیرٹیج اتھارٹی کی بھی اصولی منظوری دی ۔اجلاس سے خطاب کرتے ہوئے انہوں نے کہا کہ پنجاب میں عالمی سیاحت کے فروغ کی بنیاد رکھ رہے ہیں اور تمام مقامات کو عالمی معیار کے مطابق بنایا جائےگا ۔وزیراعلی مریم نواز نے کہا کہ ٹیکسلا کو مکمل ٹورسٹ سائیٹ بنایا جائے گا اور وہاں 5سٹار ہوٹل بھی قائم ہونگے ۔انہوں نے کہا کہ پنجاب کو سیاحتی ہب بنائیں گے ۔اجلاس کو بریفنگ دیتے ہوئے بتایا گیا کہ پنجاب کی پہلی مکمل ٹورازم میگنیفیشنٹ ایپ تیار کرلی گئی ہے جس کا جلد آغاز کیا جائے گا ۔میگنیفیشنٹ ایپ کے ذریعے 170سیاحتی مقامات کی روچوئل سیر کی جاسکے گی ۔میگنیفیشنٹ ایپ کے ذریعے ٹریول وزٹ اور ہوٹل بکنگ کی سہولت حاصل کرنے کے علاوہ فوڈ پانڈا اور دیگر سروسز بھی حاصل کی جاسکیں گی ۔پنجاب میں پہلی مرتبہ قائم کی جانے والی ٹورازم ٹریل میں ڈسٹرکٹ مال روڈ ،وال سٹی آف لاہور ،سکھ سائٹس ،جی ٹی روڈ کی مغل یاد گاریں شامل ہونگی ۔سالٹ رینج ،بھاٹی گیٹ ،ٹیکسالی گیٹ ،گوجرانوالہ ،ایمن آبادسکھ ٹورازم ٹریل بھی قائم کی جائے گی ۔گندھارا تہذیب سے متعلق گندھارا ٹریل میں ٹیکسلا میوزیم ،دھرماراچیکا ،جولیاں ،سرکیپ اور گری قلعہ شامل ہیں ۔اُچ شریف میں زائرین کی سہولت کیلئے خصوصی ٹریل ڈویلپ کی جائے گی ۔