سیالکوٹ ِ,باغی ٹی وی(بیوروچیف شاہدریاض) ایڈیشنل ڈپٹی کمشنر جنرل ایوب بخاری کی قیادت میں گراں فروشوں کے خلاف سخت کریک ڈاؤن، ناجائز منافع خوری پر 22 مقدمات درج کرلیے گئے۔ مقررہ نرخوں سے زائد وصولی پر 15 دکانداروں کو مجموعی طور پر 3 لاکھ 90 ہزار روپے جرمانہ کیا گیا، جبکہ 3 دکانیں سیل اور 4 دکانداروں کے خلاف مقدمات درج کر دیے گئے۔
کریک ڈاؤن کے دوران اسسٹنٹ کمشنر انعم بابر، پرائس مجسٹریٹس عدنان اور ڈاکٹر تنویر، ڈی او انڈسٹریز تنویر احمد، نائب تحصیلدار حسنین طارق اور مقامی پولیس افسران بھی موجود تھے۔
اے ڈی سی جنرل ایوب بخاری نے خبردار کیا کہ دکاندار ماہِ صیام میں منافع خوری سے باز رہیں، ورنہ سخت قانونی کارروائی کا سامنا کرنا پڑے گا۔ انہوں نے کہا کہ ناجائز منافع خوری کسی صورت برداشت نہیں کی جائے گی اور بلاامتیاز کارروائی جاری رہے گی۔
