بالی وڈ کی مشہور اداکارہ کرینہ کپور کے ماضی کے تعلقات ہمیشہ بھارتی میڈیا اور مداحوں کی نظروں سے پوشیدہ نہیں رہے۔ چاہے وہ شاہد کپور سے ان کا رشتہ ہو یا پھر سیف علی خان سے محبت، یہ سب کچھ خبروں کی زینت بنتا رہا۔ تاہم، بہت کم لوگ جانتے ہیں کہ کرینہ کپور کی زندگی میں ایک ایسا وقت بھی تھا جب وہ بھارت کے معروف سیاستدان راہول گاندھی کو پسند کرتی تھیں اور ان سے ملاقات کی خواہشمند تھیں۔

بھارتی میڈیا کی حالیہ رپورٹس کے مطابق، کرینہ کپور نے سیف علی خان سے شادی سے قبل مشہور میزبان سیمی گریوال کے شو میں اپنی پسند کا اعتراف کیا تھا۔ شو کے دوران کرینہ نے کھل کر اس بات کا اظہار کیا کہ وہ راہول گاندھی کو جاننے کی خواہشمند تھیں۔کرینہ کپور نے کہا تھا، "میں راہول گاندھی سے ملنا چاہوں گی کیونکہ ہم دونوں بااثر خاندانوں سے تعلق رکھتے ہیں۔”جب سیمی گریوال نے کرینہ کپور سے سوال کیا کہ اگر انہیں کسی کو ڈیٹ کرنے کا موقع ملے تو وہ کس کا انتخاب کریں گی، تو کرینہ نے جواب دیا،”مجھے نہیں پتہ کہ مجھے یہ کہنا چاہیے یا نہیں، کیونکہ یہ تھوڑا متنازع ہو سکتا ہے، لیکن میں راہول گاندھی کو ڈیٹ کرنا چاہوں گی۔”

کرینہ کپور نے مزید کہا، "میں راہول گاندھی کی تصویریں دیکھتی ہوں اور سوچتی ہوں کہ انہیں جاننا کتنا دلچسپ ہوگا۔ میرا تعلق ایک فلمی گھرانے سے ہے جبکہ وہ ایک سیاسی خاندان سے تعلق رکھتے ہیں، اس لیے شاید ہماری گفتگو بہت دلچسپ رہے۔”

یہ انکشاف اس وقت بھارتی میڈیا میں کافی زیر بحث آیا اور مداحوں کے لیے بھی حیرانی کا باعث بنا۔ تاہم، کرینہ کی زندگی میں آگے چل کر سیف علی خان آئے اور دونوں کی محبت شادی میں بدل گئی۔ آج کرینہ اور سیف بالی وڈ کے سب سے پسندیدہ جوڑوں میں شمار ہوتے ہیں۔

Shares: