اداکار سنی دیول کا بھی بالی وڈ چھوڑنے کا عندیہ

ممبئی: معروف بھارتی ہدایت کار انوراگ کیشپ اور مسٹر پرفیکشنسٹ عامر خان کے بعد اب سینئر بھارتی اداکار سنی دیول نے بھی بالی وڈ چھوڑنے کا عندیہ دیا ہے-

باغی ٹی وی : سنی دیول نے حال ہی میں اپنی نئی فلم ’جاٹ‘ کے پروموشنل ایونٹ میں میڈیا سے گفتگو کرتے ہوئے کہا کہ یہ ڈھائی کلو کے ہاتھ کی طاقت پورا نارتھ دیکھ چُکا ہے، اب ساؤتھ دیکھے گا،بالی وڈ پروڈیوسرز کو ساؤتھ انڈین فلموں کےپروڈیوسرز سے سیکھنا چاہیے، جسے بالی وڈ کہا جاتا ہے اسے پہلے ہندی سنیما کے طور پر دیکھیں۔

سنی دیول نے کہا کہ ساؤتھ انڈین فلم پروڈیوسرز موضوع پر توجہ دیتے ہیں، ڈائریکٹر پر بھروسہ کرتے ہیں اور اس کے ویژن کو پورا کرنے کی ہر ممکن کوشش کرتے ہیں، ان کے لیے فلم کی پوری کہانی ’ہیرو‘ ہوتا ہے اس لیے مجھے ان کے ساتھ کام کر کے بہت مزہ آیا،میں نے فلم ’جاٹ‘ کے پروڈیوسر سے ایک اور فلم بنانے کو بھی کہا ہے ہو سکتا ہے میں مستقبل میں بالی وڈ چھوڑ کر ساؤتھ انڈین فلم انڈ سٹری کا ہی حصہ بن جاؤں۔

ہم تینوں خانز ہمیشہ سے ایک دوسرے کو پسند نہیں کرتے تھے،عامر خان

واضح رہے کہ فلم ’جاٹ‘ سنی دیول کے کیریئر کی پہلی ساؤتھ انڈین فلم ہے، اس فلم کو سنیما گھروں میں ہندی، تمل اور تیلگو زبان میں ریلیز کیا جائے گا۔

الاسکا میں ہوائی جہاز ،جنوبی کوریا میں ہیلی کاپٹر حادثے کا شکار