بلوچستان کے ضلع قلات اور موٹروے ایم ٹو کلر کہار کے قریب دو بس حادثات میں مجموعی طور پر 11 افراد جاں بحق اور 37 زخمی ہوگئے۔
قلات کے قریب کوئٹہ سے کراچی اور کراچی سے کوئٹہ جانے والی دو بسیں آپس میں ٹکرا گئیں، جس کے نتیجے میں 6 افراد جاں بحق جبکہ 20 سے زائد افراد زخمی ہوگئے ہیں۔ے۔ لیویز حکام کے مطابق زخمیوں اور لاشوں کو قلات اسپتال منتقل کر دیا گیا۔
دوسری جانب راولپنڈی سے وہاڑی جانے والی بس کلر کہار میں ڈرائیور کے بے قابو ہونے سے الٹ گئی، حادثے میں 5 مسافر جاں بحق اور 17 زخمی ہوگئے، جن میں 4 کی حالت تشویشناک بتائی جا رہی ہے۔ ریسکیو 1122 اور موٹروے پولیس نے موقع پر پہنچ کر امدادی کارروائیاں مکمل کیں اور زخمیوں کو اسپتال منتقل کیا۔
ابتدائی تحقیقات کے مطابق دونوں حادثات ڈرائیور کی لاپرواہی کے باعث پیش آئے، تاہم مزید تحقیقات جاری ہیں۔
