ممتاز حیدر
صدر مملکت آصف علی زرداری کے معالج ڈاکٹر عاصم حسین نے کہا ہے کہ سوشل میڈیا اور بھارتی چینل بے بنیاد من گھڑت خبریں چلا رہے ہیں ،عید کی نماز میں صدر آصف زرداری کی طبیعت خراب ہوئی تھی
ڈاکٹر عاصم حسین کا کہنا تھا کہ صدر مملکت کا فون آیا کہا عید کے دن میری طبیعت ناساز ہے، عید کے دن شام کو پھر فون آیا کہا سردی لگ رہی ہے بخار ہو گیا،پیر کو ہم صدر مملکت کو کراچی لائے اور ٹیسٹ شروع کیے، ٹیسٹ سے یہ ثابت ہوا کہ صدر مملکت کو کورونا ہوا ہے،اب صدر مملکت کی طبیعت کافی بہتر ہے، کل یا پرسوں صدر مملکت اسپتال سے ڈسچارج ہو جائیں گے،نواب شاہ میں صدر مملکت تھے وہاں سے انکو کراچی لایا گیا،ہم صدر مملکت کا کرونا کا علاج کر رہے ہیں، کچھ ایسی دوائیاں ہیں جو پاکستان میں نہیں، بیرون ملک سے دوائیاں منگوائیں گئیں،اور علاج شروع ہوا، صدر مملکت کی طبیعت پہلے سے بہت بہتر ہے،وہ ایک دو دن میں ہسپتال سے گھر چلے جائیں گے، کوئی پریشانی کی بات نہیں،صدر مملکت کو انکے ڈاکٹر دیکھ رہے ہیں،ڈاکٹر اسامہ ان کے ساتھ ہیں،
ڈاکٹر عاصم حسین کا مزید کہنا تھا کہ صدر مملکت کو سیاسی کرونا نہیں ہے، کرونا ابھی بھی پاکستان میں موجود ہے، دوائیاں بھی آ چکی ہیں جو اثر کرتی ہیں، سیاسی مخالفین جو مرضی کہتے رہیں،بھارتی سوشل میڈیا پربھی پروپیگنڈہ کیا جا رہا وہ درست نہیں ہیں،
