کراچی: پاکستانی اداکارہ و میزبان وینا ملک نے کہا ہے کہ شادی میری سب سے بڑی غلطی تھی،جو بعد میں میری زندگی کی سب سے بڑی پشیمانی بن گئی۔
باغی ٹی وی : وینا ملک نے حال ہی میں ایک پوڈکاسٹ میں شرکت کی جہاں انہوں نے بتایا کہ ان کی شادی طے شدہ تھی اور یہ رشتہ ان کے والدین کے ذریعے طے پایا تھا۔
وینا ملک نے کہا کہ 2013 میں میری زندگی ایک ایسے موڑ پر تھی جہاں شہرت، دولت اور ہر چیز میرے بس سے باہر ہو چکی تھی، میں سب کچھ چھوڑ کر غائب ہو جانا چاہتی تھی، یہ شادی میرے لیے ایک قسم کی راہ فرار تھی، لیکن بعد میں یہ میری زندگی کی سب سے بڑی پشیمانی بن گئی، میں نے 14 سال کی عمر کے بعد کبھی والدین سے پیسے نہیں لیے، نہ میں کسی سے تحفے لیتی ہوں، نہ دیتی ہوں، میں آج بھی مالی طور پر مکمل طور پر خود کفیل ہوں۔
عورت کی شناخت، قانونی حقوق اور خود مختاری شادی کے بعد ختم نہیں ہوتی،سپریم کورٹ
اداکارہ نے اعتراف کیا کہ ہاں میں نے دولت اور شہرت کی خواہش کی تھی، لیکن یہ سب اتنا زیادہ مل گیا کہ میں اس بوجھ کو سنبھال نہ سکی، اس وقت میں ذہنی طور پر انتہائی دباؤ میں تھی اور اسی دباؤ میں میں نے شادی کا فیصلہ کیا جو بالکل بھی سمجھداری پر مبنی نہیں تھامیں IVF کے ذریعے 2 بچوں کی ماں بنی، جنہیں میں اپنی زندگی کا سب سے خوبصورت پہلو قرار دیتی ہوں، تاہم شادی میری سب سے بڑی غلطی تھی یہ ایک ناسمجھی بھرا فیصلہ تھا، جس پر آج بھی مجھے افسوس ہے۔
پاکستان کا تجربہ میری کوچنگ سے محبت کو کھٹا کر چکا ہے، جیسن گلیسپی
