ڈیرہ غازی خان،باغی ٹی وی(نیوزرپورٹرشاہد خان) حکومت پنجاب کی ہدایت پر ڈیرہ غازی خان میں کینسر ہسپتال کے قیام کے لیے عملی اقدامات کا آغاز کر دیا گیا۔ ڈپٹی کمشنر محمد عثمان خالد نے ہسپتال کے لیے مختلف مقامات کا معائنہ کیا، اس موقع پر اسسٹنٹ کمشنر صدر تیمور عثمان نے انہیں بریفنگ دی۔ ڈپٹی کمشنر کا کہنا تھا کہ ہسپتال کے لیے موزوں اور آسان رسائی والی جگہ تجویز کی جائے گی۔
ادھر ڈپٹی کمشنر نے بی ایچ یو چھابری زیریں کا اچانک دورہ بھی کیا، جہاں ڈاکٹرز اور عملے کی حاضری چیک کی، مریضوں سے علاج معالجے کے بارے میں معلومات لیں اور ہسپتال کے ریکارڈ کا جائزہ لیا۔
بعد ازاں ڈپٹی کمشنر نے شہر کے وسط میں واقع کشمیر پارک کا معائنہ کیا اور پارک میں صفائی، گرین بیلٹس، درختوں کی کٹائی اور بچوں کی تفریحی سہولیات مزید بہتر بنانے کی ہدایت جاری کی۔
