گورنرسند ھ کامران خان ٹیسوری نے متحدہ عرب امارات کے قونصلیٹ کا دورہ کیا ۔ گورنرسندھ جب قونصلیٹ پہنچے تو ان کا سفیر حماد عبید الزہبی ، قونصل جنرل بخیط عتیق الرومیتھی سمیت دیگر سفارتی عملہ نے ریڈ کارپیٹ پر پرتپاک خیرمقدم کیا ۔
باغی ٹی وی کے مطابق اس موقع پر سفیر حماد عبید الزہبی نے گورنرسندھ کو بتایا کہ ایک لاکھ پاکستانیوں کو پانچ سال کا ویزہ دیں گے ۔گورنر سندھ قونصلیٹ میں قائم ویزہ سینٹر گئے جہاں سفیر نے انہیں سینٹر سے متعلق آگاہ کیا ۔ گورنر سندھ نے ویزہ لینے والوں سے گفتگوکی ۔ لوگوں نے سہولیات پر اظہار تشکر کیا ۔دوسری جانب میڈیا سے گفتگو کرتے ہوئے گورنرسندھ نے کہا کہ میرا استقبال ریڈ کارپیٹ پر کیا گیا جو ان کی محبت کا اظہار ہے۔ انہوں نے مزید کہا کہ متحدہ عرب امارات ایس آئی ایف سی منصوبہ میں بھرپور دلچسپی لے رہاہے۔قونصل جنرل نے کہا کہ ویزہ سینٹر میں بہت عزت دیں گے اور بھرپور تعاون بھی کریں گے۔
ٹرمپ ٹیرف،دنیا کی اسٹاک مارکیٹوں میں اتار چڑھاؤ کا سلسلہ جاری
پاکستانیوں کی فلسطینیوں سے یکجہتی، پی ایس ایل کا بائیکاٹ کرنے کی اپیل
ملک بھر سےغیر قانونی، غیر ملکی شہریوں کا انخلا ءتیزی سے جاری
