کراچی کے بعد لاہور میں ناقص اور غیر رجسٹرڈ رکشوں کے خلاف کارروائی کا فیصلہ ہو گیا۔
باغی ٹی وی کے مطابق اس حوالے سے رکشوں پر پابندی کیلئے مراسلہ آئی جی پنجاب کو بھجوا دیا ہے۔مراسلے میں کہا گیا ہے کہ موٹرسائیکل رکشوں پرعموما 6 سے 8 سواریاں بٹھائی جا رہی ہیں، موٹر سائیکل مسافر بردار و لوڈر رکشوں کی تیاری میں قوانین کو مدنظر نہیں رکھا جا رہا،رکشوں کی تیاری کے دوران غیر لائسنسی فرمز اور مقامی ورکشاپس ایس او پیز پر عملدرآمد نہیں کرتی۔مراسلے کے مطابق غیر معیاری موٹر سائیکل و لوڈر رکشوں پر لاہور سمیت پنجاب بھر میں پابندی کی سفارش کی گئی ہے۔
آئی جی پنجاب کو بتایا گیا کہ ناقص میٹریل کے استعمال کی وجہ سے رکشے کا توازن برقرار نہیں رہتا، اکٹر بریک لگانے سے جان لیوا حادثات رونما ہو رہے ہیں۔مراسلے کے مطابق شہر میں مسافر بردار اور لوڈر رکشے اوور لوڈنگ کرتے ہیں جس سے قیمتی جانوں کا ضیاع ہو رہا ہے، ڈرائیورز کی بڑی تعداد کے پاس ڈرائیونگ لائسنس موجود نہیں اور نہ ہی رجسٹریشن کروائی گئی ہے۔دوسری جانب آئی جی پنجاب نے منظوری کے بعد مراسلہ پنجاب حکومت کو بھجوا دیا۔
تجارتی جنگ جاری،امریکہ نے چین پر ٹیرف 245 فیصد تک بڑھا دیا
قیدی سےملاقات،امریکی سفارتخانےکے ارکان اڈیالہ جیل جا پہنچے
مئیر کراچی کا ون وے کی خلاف ورزی پر بھاری جرمانے کا فیصلہ
مئیر کراچی کا ون وے کی خلاف ورزی پر بھاری جرمانے کا فیصلہ
ٹرمپ انتظامیہ کی خلاف ورزی پر توہین عدالت کی کارروائی کا امکان
