سیالکوٹ باغی ٹی وی سٹی رپورٹر مدثر رتو سے ، ڈسٹرکٹ ڈزاسٹر اتھارٹی نےممکنہ سیلابی صورتحال کا جائزہ لینے کے لیے ڈپٹی کمشنر آفس میں میٹنگ کا انعقاد کیا،
ڈپٹی کمشنر سیالکوٹ محمحد ذوالقرنین کی زیر صدارت ممکنہ سیلابی صورتحال سے بروقت نبردآزما ہونے کے لیے تیاریوں کا جائزہ لینے کے حوالے سے ڈسٹرکٹ ڈزاسٹر کمیٹی کا جلاس منعقد ہوا۔ اجلاس میں ڈسٹرکٹ ایمرجنسی آفیسر انجینئر نوید اقبال، DDMC سیالکوٹ کیوان حسن کے علاوہ ضلع بھر کے مہکموں کے نمائندگان اور سوشل ورکر صدر روز ویلفئیر اشفاق نذر نے حصہ لیا۔میٹنگ میں DDMC کیوان حسن نے ضلع میں سیلاب کے حوالے تیاریوں کی بابت تفصیلی رپورٹ پیش کی۔ ڈپٹی کمشنر نے تمام اداروں کو ہدایات جاری کرتے ہوئے کہا کہ ممکنہ سیلاب کے حوالے تیاریوں کو مون سون سیزن شروع ہونے سے پہلے مکمل کیا جائے اس سلسلہ میں کوتاہی قبول نہیں ہو گی۔
