اسلام آباد: نائب وزیراعظم اسحاق ڈار سے اماراتی نائب وزیراعظم و وزیرخارجہ شیخ عبداللہ بن زاید نے ملاقات کی-
یو اے ای کےنائب وزیراعظم و وزیرخارجہ شیخ عبداللہ بن زاید دفتر خارجہ پہنچے جہاں نائب وزیراعظم اسحاق ڈار نے ان کا استقبال کیااس موقع پر پاکستان اور یو اے ای کے درمیان مفاہمت کی یادداشتوں پر دستخط کی تقریب ہوئی جس میں قومی ورثہ و ثقافت ڈویژن اور وزا ر ت ثقافت یو اے ای کے درمیان ثقافتی تعاون کی یادداشت پر دستخط ہوئے۔
اس کے ساتھ ہی خارجہ وزارتوں کے درمیان قونصلر امور کے لیے مشترکہ کمیٹی کے قیام پر تعاون اور یو اے ای پاکستان مشترکہ بزنس کونسل کے قیام کے لیے تعاون کی یادداشت پر دستخط ہوئے،یادداشت فیڈریشن آف پاکستان چیمبر آف کامرس اور یو اے ای ایوان صنعت و تجارت کے درمیان طے پائی ہے۔
جنوبی وزیرستان میں پولیس پر دہشت گردوں کا حملہ ناکام،ایک دہشت گرد ہلاک
اس موقع پر اسحاق ڈار نے کہا کہ معزز مہمان کو اپنے گھر میں خوش آمدید کہتا ہوں،خواہش ہےکہ آپ کادورہ کامیاب ہو بہت سے منصوبو ں پر ہم مشترکہ طور پر کام کررہے ہیں ، پاکستان اور یو اے ای کے درمیان برادرانہ تعلقات ہیں۔
شیخ عبداللہ بن زاید نے کہا کہ پر تپاک استقبال پر نائب وزیراعظم اسحاق ڈار کا شکر گزار ہوں، پاکستان کے ساتھ تعلقات کو مزید مضبوط کریں گے، پاکستان کے لوگ یو اے ای کی ترقی میں اہم کردار ادا کررہے ہیں۔
