سابق وزیر اعظم نواز شریف نے واپسی ملتوی کرتےہوئے لندن میں اپنا قیام بڑھا دیا ہے۔
میڈیا رپورٹس کے مطابق مسلم لیگ ن کے صدر نواز شریف نے طبیعت ناساز ہونے پر لندن میں اپنا قیام بڑھا دیا ہے۔ نواز شریف نے اپنی واپسی کی ٹکٹ بھی ری شیڈول کروا لی ہے۔ذرائع نے بتایا ہے کہ نواز شریف کے مسلسل میڈیکل چیک اپ جاری ہیں۔ قریبی ذرائع کا کہنا ہے کہ وہ جمعرات کو لاہور واپس آئیں گے۔واپسی سے قبل ہی صدر ن لیگ نواز شریف کی اچانک طبیعت ناساز ہو گئی جس پر انہیں میڈیکل ٹریٹمنٹ کے لیے فی الوقت لندن میں ہی رکنا پڑا ہے۔
دوسری جانب ن لیگ برطانیہ نواز شریف کے اعزاز میں ورکرز کنونشن کی بھی خواہاں ہے۔خیال رہے کہ مسلم لیگ ن کے صدر نواز شریف وزیراعظم شہباز شریف کے ہمراہ بیلاروس گئے تھے جہاں سے نواز شریف لندن پہنچے تھے۔
امسال حجاج کو پرانے سسٹم کے تحت حج کی اجاز ت دی جائے،حج آرگنائزر ایسوسی ایشن سندھ
