پاکستان نے بھارتی پروازوں کے لیے فضائی حدود بند کر دی ہے جس کا نوٹم جاری کردیا گیا ہے۔
نوٹم کے مطابق پاکستان نے بھارتی پروازوں کے لیے فضائی حدود ایک ماہ کے لیے بندکی ہیں پاکستانی فضائی حدودکی بندش کا نوٹم 23 مئی کی رات 12 بجے تک مؤثر ہوگا،پاکستان ایئرپورٹ اتھارٹی نے باقاعدہ نوٹم جاری کر دیا ہے۔
نوٹم کے مطابق پاکستانی فضائی حدود بھارتی رجسٹرڈ سول اور ملٹری طیاروں کے لیے دستیاب نہیں بھارتی ائیر لائنز و آپریٹرز کی ملکیت طیارے پاکستانی فضائی حدود استعمال نہیں کرسکتے بھارت کے لیز پر لیےگئے طیارے بھی پاکستانی فضائی حدود استعمال نہیں کرسکتے۔
ویلٹر ویٹ باکسنگ: پاکستانی باکسر نے بھارتی حریف کو شکست دیدی
ذرائع کا کہنا ہے کہ پاکستانی فضائی حدود کی بندش سے بھارتی طیاروں کو اضافی 2 گھنٹے لگیں گے جب کہ پاکستانی فضائی حدود کی بندش سےبھارتی پروازوں کو روزانہ لاکھوں ڈالرز کےاضافی اخراجات ہوںگے 100 سےزائد بھارتی پروازیں روزانہ پاکستانی فضائی حدود استعمال کرتی ہیں جن میں ایئر انڈیا، ایئر انڈیا ایکسپریس، اسپائس جیٹ، انڈیگو ایئر اور آکاسا ایئر سمیت دیگر شامل ہیں۔
پچھلی بار فضائی حدود کی چند روزہ بندش سے بھارتی ایئرلائنز کو آٹھ کروڑ ڈالر کا نقصان برداشت کرنا پڑا تھا جس سے مسافروں کے سفری اخراجات میں بھی بہت اضافہ ہوا تھا۔
بھارتی ناظم الامور کی دفتر خارجہ طلبی، پاکستان نے جوابی فیصلوں سےتحریری آگاہ کردیا
