سیالکوٹ (باغی ٹی وی، بیوروچیف شاہد ریاض) شوہر سے جھگڑے پر 32 سالہ خاتون نے زہریلی گولیاں کھا کر خودکشی کر لی
تفصیل کے مطابق سیالکوٹ کے علاقے موضع منڈیر خورد میں گھریلو جھگڑے نے ایک اور جان لے لی۔ شوہر سے جھگڑے کے بعد 32 سالہ خاتون اقراء نے دلبرداشتہ ہو کر گندم میں رکھنے والی زہریلی گولیاں کھا لیں، جس کے باعث اس کی حالت تشویشناک ہو گئی۔
یہ خبر بھی پڑھیں
ڈیرہ غازی خان:دری میرو کے قریب لڑکی کی پراسرار موت، قتل یاخودکشی ؟
خاتون کو فوری طور پر ہسپتال منتقل کیا جا رہا تھا مگر وہ راستے ہی میں دم توڑ گئی۔ افسوسناک واقعہ تھانہ ائیرپورٹ کی حدود میں پیش آیا۔ پولیس نے واقعے کی تحقیقات کا آغاز کر دیا ہے جبکہ لاش پوسٹ مارٹم کے لیے ہسپتال منتقل کر دی گئی ہے۔ اہلِ علاقہ نے واقعے پر گہرے دکھ اور افسوس کا اظہار کیا ہے۔
