بھارت کے جنگی جنون پر نیو یارک ٹائمز کی اہم رپورٹ سامنے آئی ہے
نیویارک ٹائمز نے رپورٹ میں کہا ہے کہ اندرونی خلفشار سے عالمی توجہ ہٹانے کے لئے بھارت پاکستان کو جنگ کی دھمکیاں دے رہا ہے،پہلگام فالس فلیگ آپریشن کے فورا بعد بھارت نے پاکستان پر الزام دھر دیا ،مودی نےپاکستان کیخلاف اقدامات میں مدد اور تعاون مانگنے کیلئے درجنوں ملکی سربراہان سے رابطہ کیا،نیو یارک ٹائمز کی رپورٹ میں انکشاف کیا گیا ہے کہ ؛”بھارت عالمی برادری میں کشیدگی کم کرنے کے بجائے پاکستان کے خلاف فوجی کارروائی کا جواز تیار کر رہا ہے”مودی نےپاکستان پر دہشت گردوں کی حمایت کا الزام اور شدید ردعمل کی بھی دھمکی دی، بھارتی وزارت خارجہ میں سفارت کاروں کو بریفنگ میں، بھارتی حکام نے ہندوستان کو نشانہ بنانے والے دہشت گرد گروپوں کی حمایت کرنے پر پاکستان کو موردِ الزام ٹھہرایا،
بھارتی تجزیہ کاروں اور سفارتکاروں کے مطابق؛”بھارت کو پاکستان پر حملہ کرنے سے پہلے دہشت گردانہ حملے کے بارے میں معلومات اکٹھا کرنے کی ضرورت ہے”بھارت نے 1960 کے "انڈس واٹر ٹریٹی ” کو معطل کر دیا، مودی سرکار نے پہلگام حملے کے حوالے سے اب تک پاکستان کیخلاف کوئی عوامی ثبوت پیش نہیں کیا، دیگر ریاستوں نے بھارت سے ٹھوس شواہد پیش کرنے کا مطالبہ کیا،بھارت نے سفارتی تعلقات محدود کرتے ہوئے سفارتکاروں کو ملک بدر اور ویزے منسوخ کر دیے،بھارتی حکومت نے کشمیریوں کے خلاف کریک ڈاؤن تیز کر دیا جس سے انسانی حقوق کی خلاف ورزیاں بڑھ گئیں،بھارت میں مسلم مخالف جذبات بھی شدت اختیار کر چکے ہیں،بھارت میں کشمیری طلباء کو ہراساں کرنے کے ساتھ ساتھ انھیں بے دخل کیا جا رہا ہے،
