اسلام آباد: جمعیت علماء اسلام (جے یو آئی۔ف) کے سربراہ مولانا فضل الرحمان پارلیمنٹ کی لفٹ میں پھنس گئے، جس کے باعث وہ تقریباً 2 منٹ تک لفٹ میں ہی موجود رہے۔ یہ واقعہ اس وقت پیش آیا جب مولانا فضل الرحمان قومی اسمبلی کے اجلاس میں شرکت کے لئے پارلیمنٹ پہنچے تھے۔
مولانا فضل الرحمان نے اس واقعے کے بعد قومی اسمبلی کے اجلاس سے واک آؤٹ کر دیا اور ایوان میں موجود حکومتی بنچوں کی غیر سنجیدگی پر اپنی تشویش کا اظہار کیا۔ اجلاس میں مولانا فضل الرحمان نے کہا کہ "ایسے حالات میں اجلاس میں سنجیدگی نظر نہیں آرہی۔ حکومتی بنچیں خالی ہیں اور ایوان میں کام کا ماحول نہیں ہے۔ حکومت کو چاہیے تھا کہ ایوان کو سیکیورٹی صورتحال پر بریفنگ دیتی۔”اس کے ساتھ ہی مولانا نے حکومتی رویہ پر ناراضگی کا اظہار کیا اور کہا کہ جب حکومت کی طرف سے ایوان میں سنجیدگی کا مظاہرہ نہیں کیا جا رہا، تو وہ اجلاس کا حصہ نہیں بن سکتے اور واک آؤٹ کر گئے۔
