سیالکوٹ(باغی ٹی وی ،بیوروچیف شاہد ریاض)ڈی او ریسکیو 1122 نارووال انجینئر نعیم اختر دورانِ ڈیوٹی حادثے میں شہید
نارووال ریسکیو 1122 کے ضلعی آفیسر انجینئر نعیم اختر دورانِ ڈیوٹی سڑک حادثے میں جاں بحق ہو گئے۔ حادثہ ککے موڑ کے قریب پیش آیا، جہاں تیز رفتار بس کی ٹکر سے وہ شدید زخمی ہوئے اور ہیڈ انجری کے باعث موقع پر ہی دم توڑ گئے۔
ریسکیو ذرائع کے مطابق انجینئر نعیم اختر ایک ذمہ دار، دیانتدار اور پیشہ ور افسر کے طور پر جانے جاتے تھے جنہوں نے اپنی پوری زندگی انسانی جانیں بچانے اور خدمت خلق کے لیے وقف کی۔ ان کی ناگہانی موت پر ریسکیو کمیونٹی اور شہریوں میں گہرے رنج و غم کی لہر دوڑ گئی ہے۔
مرحوم کی خدمات کو ہمیشہ یاد رکھا جائے گا، ان کی قربانی نہ صرف ادارے کے لیے بلکہ انسانیت کے لیے ایک مثال ہے۔ ریسکیو 1122 کے افسران اور اہلکاران نے مرحوم کے درجات کی بلندی کے لیے دعا کرتے ہوئے انہیں خراجِ عقیدت پیش کیا۔
