افغانستان اور بھارت کے درمیان واہگہ-اٹاری سرحد کے ذریعے ٹرانزٹ ٹریڈ کا سلسلہ ایک بار پھر بحال ہو گیا ہے۔
میڈیا رپورٹس کے مطابق، گزشتہ چند روز میں بھارت سے لدے 29 ٹرک بھارت روانہ ہو چکے ہیں، جن میں بڑی مقدار میں خشک میوہ جات شامل تھے۔سرکاری ذرائع کے مطابق20 مئی کو 14 افغان ٹرک بھارت گئے،19 مئی کو 10 ٹرک روانہ ہوئے،جبکہ 16 مئی کو 5 ٹرک واہگہ بارڈر عبور کر چکے ہیں۔
یہ پیش رفت افغانستان کی جانب سے کی گئی اس درخواست کے تناظر میں ہوئی ہے جس میں پاکستان سے 150 تجارتی ٹرکوں کو بھارت بھیجنے کی اجازت طلب کی گئی تھی۔ اس درخواست کے بعد پاکستان نے یکم مئی کو مشروط اجازت دے دی، تاہم بھارتی حکومت کی جانب سے پاکستانی ڈرائیورز کے انٹری پرمٹس میں تاخیر کے باعث یہ عمل سست روی کا شکار رہا۔
یاد رہے کہ پاکستان اور بھارت کے درمیان دوطرفہ تجارت فروری 2019 سے معطل ہے، جب پلوامہ حملے کے بعد بھارت نے پاکستانی مصنوعات پر بھاری ڈیوٹیز عائد کر دی تھیں۔ اس کے بعد اگست 2019 میں بھارت نے مقبوضہ کشمیر کی خصوصی آئینی حیثیت (آرٹیکل 370) ختم کی، جس کے ردعمل میں پاکستان نے بھی تجارتی روابط محدود کر دیے تھے۔
باوجود ان پابندیوں کے، واہگہ-اٹاری سرحد کے ذریعے افغانستان اور بھارت کے درمیان محدود ٹرانزٹ ٹریڈ کا سلسلہ جاری ہے، جو موجودہ سیاسی تناؤ کے باوجود علاقائی اقتصادی رابطوں کی ایک اہم مثال ہے۔ متعلقہ حکام کے مطابق، آئندہ دنوں میں مزید افغان ٹرک بھی بھارت بھیجے جائیں گے۔
مورو واقعہ: سندھ بھر میں کشیدگی، قومی شاہراہ بند، مظاہرے اور پرتشدد واقعات
تنگوانی: بھینس چوری کی واردات کے دوران مزاحمت پر فائرنگ، گھر کا مالک شدید زخمی
وکلا کی عدم موجودگی،عمران خان کا پولی گراف ٹیسٹ کرانے سے انکار
ایئر چیف کی مدتِ ملازمت میں توسیع، شہداء و غازیوں کو اعزازات دینے کا فیصلہ