ڈیرہ غازی خان (باغی ٹی وی،نیوزرپورٹرشاہدخان) ڈسٹرکٹ پرائس کنٹرول کمیٹی ڈیرہ غازی خان کا اہم اجلاس ایڈیشنل ڈپٹی کمشنر جنرل بقدسیہ ناز کی زیر صدارت منعقد ہوا، جس میں متعلقہ سرکاری افسران اور تاجر تنظیموں کے نمائندوں نے شرکت کی۔ اجلاس میں اشیائے خوردونوش کی قیمتوں پر نظر ثانی کرتے ہوئے نئے نرخ مقرر کیے گئے جو فوری طور پر نافذ العمل ہوں گے۔
جاری کردہ نرخنامے کے مطابق چاول باسمتی کائنات (کچی و پکی) 300 روپے فی کلو، چاول کرنل چھوٹی 190 روپے، چاول اری سکس 100 روپے، سفید چنا موٹا 330 روپے، سفید چنا باریک 250 روپے، سوجی و میدہ 90 روپے، دال چنا موٹی 270 روپے، دال چنا باریک 260 روپے، دال ماش دھلی 380 روپے، دال مسور موٹی غیر ملکی 250 روپے، دال مونگ دھلی 375 روپے، بیسن 260 روپے اور چینی ایکس مل ریٹ پلس 3 روپے مقرر کی گئی ہے۔
گوشت کے نرخوں میں بھی رد و بدل کیا گیا ہے: بکرے کا گوشت 1500 روپے، گائے کا گوشت 800 روپے فی کلو، دہی 150 روپے، دودھ 140 روپے فی لیٹر، برف 15 روپے فی کلو، جبکہ تندوری روٹی (100 گرام) 12 روپے، خمیری روٹی 14 روپے اور نان سادہ 15 روپے میں فروخت کی جائے گی۔
بناسپتی گھی اور کوکنگ آئل کمپنی کے مقررہ نرخ پر فروخت ہوں گے جبکہ آٹا (10 اور 20 کلو تھیلے) حکومتی پالیسی کے مطابق دستیاب ہوگا۔ سبزی، پھل، مرغی، گوشت اور انڈوں کے نرخ روزانہ کی بنیاد پر محکمہ لائیوسٹاک کی مشاورت سے سیکرٹری مارکیٹ کمیٹی مقرر کرے گا۔
