کوئٹہ گلیڈی ایٹرز نے پی ایس ایل 10 کے فائنل کے لیے کوالیفائی کر لیا ہے، قذافی اسٹیڈیم لاہور میں کھیلے گئے پہلے کوالیفائر میں کوئٹہ نے اسلام آباد یونائیٹڈ کو 30 رنز سے شکست دے کر سب کو چونکا دیا۔
کوئٹہ نے ٹاس جیت کر پہلے بیٹنگ کا فیصلہ کیا اور شاندار بلے بازی کرتے ہوئے مقررہ 20 اوورز میں 6 وکٹوں پر 209 رنز کا پہاڑ جیسا اسکور کھڑا کیا۔ککوئٹہ گلیڈی ایٹرزنے مقررہ 20 اوورز میں 6 وکٹوں کے نقصان پر 209 رنز بنائے۔ گلیڈی ایٹرز کی جانب سے سعود شکیل 12 ، فن ایلن 41 ، ریلی روسو 16، حسن نواز 6، ایوشکا فرنینڈو 32 اور فہیم اشرف 45 رنز بنا کر آوٹ ہوئے۔ دینیش چندیمل 48 رنز بنا کر ناٹ آؤٹ رہے۔
اسلام آباد کی جانب سے بین ڈورشئیش اور سلمان ارشاد نے 2،2 کھلاڑیوں کو آؤٹ کیا جبکہ عماد وسیم اور شاداب خان نے 1،1 وکٹ حاصل کی۔210 رنز کے ہدف کے تعاقب میں اسلام آباد کی ٹیم 179 رنز پر ہی ڈھیر ہوگئی۔ صاحب زادہ فرحان نے 52 اور سلمان علی آغا نے 42 رنز کی مزاحمتی اننگز ضرور کھیلی، مگر کوئٹہ کے بولرز کے سامنے اسلام آباد کی بیٹنگ لائن زیادہ دیر نہ ٹک سکی۔ کوئٹہ کی جانب سے عثمان طارق نے تین، وسیم ، فہیم اشرف اور عامر نے دو دو جب کہ ابرار نے ایک کھلاڑی کو آوٹ کیا۔
سپریم کورٹ کی بڑی پیش رفت: سزائے موت کی تمام اپیلیں نمٹا دی گئیں
کراچی ایئرپورٹ پر بڑی کارروائی، 37 کروڑ روپے کی ممنوعہ ادویات ضبط
