سعودی عرب کی وزارت صحت نے عازمینِ حج کی صحت اور فلاح و بہبود کے تحفظ و فروغ کے لیے ایک جامع صحت آگاہی کٹ (Health Awareness Kit) متعارف کروا دی ہے، جس میں اردو زبان میں بھی مکمل معلومات شامل کی گئی ہیں۔
سعودی وزارت صحت نے سوشل میڈیا پلیٹ فارم ایکس (سابق ٹوئٹر) پر جاری ایک پوسٹ میں کہا کہ ہم تمام زبانوں میں حجاج کرام کی صحت کا خیال رکھتے ہیں، عازمین حج صحت اور فلاح و بہبود کو فروغ دینے کے لیے صحت آگاہی کٹ کا مطالعہ کریں۔”یہ کثیر لسانی کٹ 8 زبانوں میں دستیاب ہے اور اس میں شامل مواد میں حجاج کے لیے درج ذیل ضروری معلومات دی گئی ہیں
گرمی سے ہونے والی بیماریوں سے بچاؤ
شدید حالات میں فوری طبی ردعمل اور صحت کا نظم
لازمی ویکسینیشن (گردن توڑ بخار، کووڈ-19، پولیو، زرد بخار)
دائمی بیماریوں کا نظم و نسق
حج کے دوران مفت طبی سہولیات تک رسائی
اس کٹ میں مختصر ویڈیوز، سوشل میڈیا پر شئیر کیے جانے والے مواد اور پرنٹ کے قابل پوسٹرز بھی شامل ہیں، تاکہ عازمین آسانی سے ضروری معلومات حاصل کر سکیں۔
واضح رہے کہ پاکستان اور سعودی عرب کے درمیان حج معاہدہ جنوری 2025 میں طے پایا، جس کے تحت اس سال 179,210 پاکستانی عازمین حج کی سعادت حاصل کریں گے۔حج مشن کے آغاز سے اب تک 38229 پاکستانی حجاج سرکاری اسکیم کے تحت مدینہ اور مکہ مکرمہ پہنچ چکے ہیں۔
رواں سال سعودی حکومت کی جانب سے عازمین کے لیے کئی نئی سہولیات بھی متعارف کرائی گئی ہیں، جن میں شامل ہیں منیٰ میں ایئر کنڈیشنڈ خیمے، خاندان کے مطابق بہتر رہائش ، سامان کی جدید تر ترسیل کا نظام اور اعلیٰ معیار کی ٹرانسپورٹ سہولت شامل ہیں.حجاج کرام کی خدمت کے لیے تقریباً 400 طبی اور نیم طبی عملے کو تعینات کیا جائے گا۔ ان میں مکہ میں جدید سہولیات سے آراستہ ہسپتال اور 9 ڈسپنسریاں جبکہ مدینہ منورہ میں ایک ہسپتال اور دو ڈسپنسریاں قائم ہوں گی.
یہ اقدامات حجاج کرام کی صحت، حفاظت اور روحانی اطمینان کو یقینی بنانے کی سعودی حکومت کی سنجیدہ کوششوں کی عکاسی کرتے ہیں۔
مورو ہنگامہ آرائی، ایس ایس پی نوشہرو فیروز عہدے سے ہٹا دیے گئے
مقبوضہ کشمیر: بھارتی فوج کی جارحیت میں مزید 2 کشمیری نوجوان شہید
بلاول بھٹو سے امریکی ناظم الامور کی ملاقات، دو طرفہ تعلقات پر تبادلہ خیال
گوگل کروم اور فائرفاکس کے ذریعے سائبر حملے کا خدشہ، ایڈوائزری جاری
