آزادی صحافت کے فروغ میں کراچی یونین آف جرنلسٹس (دستور) کے ساتھ کھڑے ہیں، تابش قیوم
پاکستان مرکزی مسلم لیگ کے ترجمان تابش قیوم نے کراچی یونین آف جرنلسٹس (دستور)کے سالانہ انتخابات میں نومنتخب عہدیداران کو مبارکباد دیتے ہوئے کہا ہے کہ آزاد صحافت کسی بھی جمہوری معاشرے کی بنیاد ہے. کراچی یونین آف جرنلسٹس (دستور) کے نئے منتخب قائدین اس مشن کو مزید مضبوطی کے ساتھ آگے بڑھائیں گے
تابش قیوم نے صدر کے عہدے پر نصراللہ چوہدری ،سیکرٹری کی نشست پر محمد ریحان خان چشتی سمیت تمام نومنتخب عہدیداران کو مبارکباد دی ہے،ترجمان مرکزی مسلم لیگ نے فاروق سمیع اور منصور قریشی کو نائب صدر، عبدالرحمن ،اطہرفاروقی کو جوائنٹ سیکرٹری،زین علی کو خازن،اظفر وقاص کو سیکرٹری اطلاعات سمیت گورننگ باڈی کے نومنتخب عہدیداران کو بھی مبارکباد دی ہے اور کہا ہے کہ مرکزی مسلم لیگ آزادی صحافت کی ہر کوشش کی حمایت کرے گی، جمہوری معاشرے میں آزاد صحافت کی اہمیت مسلمہ ہے، امید کرتے ہیں کہ کراچی یونین آف جرنلسٹس (دستور) کی نو منتخب قیادت صحافیوں کے مسائل کے حل میں مؤثر کردار ادا کرے گی، مرکزی مسلم لیگ آزادی صحافت کے فروغ میں کراچی یونین آف جرنلسٹس (دستور) کے ساتھ کھڑی ہے،
