لسبیلہ کے علاقے اوتھل میں آر سی ڈی شاہراہ پر ٹرک اور کار میں تصادم کے نتیجے میں کار میں سوار چار افراد موقع پر ہی جاں بحق ہو گئے۔ امدادی ٹیمیں فوری طور پر موقع پر پہنچ گئیں اور لاشوں کو قریبی اسپتال منتقل کیا۔
باغی ٹی وی کے مطابق وزیرآباد میں گیمن پل کے قریب مسافر بس نے موٹرسائیکل سوار دو نوجوانوں کو کچل دیا، دونوں جاں بحق ہو گئے۔چوبارہ میں مسافر وین اور رکشے کے درمیان تصادم کے نتیجے میں 5 افراد زخمی ہوئے۔ٹیکسلا میں بدر موڑ کے قریب تیز رفتار ڈمپر نے ایک خاتون کو کچل دیا، جس سے وہ موقع پر ہی دم توڑ گئی۔
ادھر ڈہرکی میں قومی شاہراہ پر تیز رفتار ٹریلر نے موٹرسائیکل کو ٹکر ماری، حادثے میں موٹر سائیکل سوار جاں بحق ہو گیا.مٹیاری میں قومی شاہراہ پر آموں سے بھرا ہوا مزدا الٹ گیا، جس کے نتیجے میں 7 افراد زخمی ہوئے۔زخمیوں میں سے 2 افراد کی حالت نازک ہونے پر انہیں حیدرآباد ریفر کیا گیا، جبکہ باقی کو مقامی اسپتال منتقل کیا گیا۔
مردان میں چارسدہ روڈ پر تیز رفتار ٹرک کی ٹکر سے ایک بچہ جاں بحق جبکہ خاتون سمیت 3 افراد شدید زخمی ہو گئے۔ٹریفک پولیس اور مقامی انتظامیہ کی جانب سے شہریوں سے ٹریفک قوانین کی سختی سے پابندی کرنے اور تیز رفتاری سے گریز کی اپیل کی گئی ہے تاکہ ان المناک حادثات سے بچا جا سکے۔
پاکستان کی شاندار فتح، بنگلہ دیش کو 57 رنز سے شکست
پنجاب تنظیم پر پی ٹی آئی میں اختلافات، کمیٹی میں ترمیم، نیا نوٹیفکیشن جاری
مسجد الحرام میں جمعہ کی نماز، 15 لاکھ سے زائد عازمین کی شرکت
شدید گرمی اور ذہنی صحت، عالمی منصوبہ بندی میں اہم پہلو نظر انداز
