چین نے دوست ممالک کے تعاون سے ایک نئی بین الاقوامی ثالثی تنظیم "IOMed” کی بنیاد رکھ دی ہے، جس کا مقصد بین الاقوامی سطح پر تنازعات کے پرامن حل کے لیے ایک مؤثر پلیٹ فارم مہیا کرنا ہے۔
باغی ٹی وی کے مطابق ہانگ کانگ میں منعقدہ افتتاحی تقریب میں پاکستان کے وزیرِ خارجہ اسحاق ڈار نے شرکت کی۔اس موقع پر چین سمیت 32 دستخط کنندہ ممالک کی نمائندگی موجود تھی۔تقریب میں 80 سے زائد ممالک اور 20 بین الاقوامی تنظیموں کے نمائندوں نے شرکت کی، جس سے اس نئی تنظیم کی اہمیت واضح ہو گئی۔
یہ اقدام ایک ایسے وقت میں سامنے آیا ہے جب امریکی صدر ڈونلڈ ٹرمپ کی ‘امریکا پہلے’ پالیسی نے موجودہ عالمی نظام کو عدم استحکام سے دوچار کر رکھا ہے۔ہانگ کانگ حکومت نے IOMed کو ایک بین الحکومتی پلیٹ فارم قرار دیا ہے جو بین الاقوامی تنازعات کے حل کے لیے تشکیل دیا گیا ہے۔
اسحاق ڈار نے کنونشن پر دستخط کی تقریب کے انعقاد پر چینی ہم منصب وانگ ای کو مبارکباد پیش کی۔چینی وزیر خارجہ نے بھی تقریب میں شرکت پر پاکستان کا شکریہ ادا کیا۔دفتر خارجہ کے مطابق، یہ دونوں وزرائے خارجہ کی دس دن میں دوسری ملاقات تھی۔ملاقات میں پاک چین آہنی دوستی اور تزویراتی شراکت داری کو مزید مستحکم کرنے کا عزم دہرایا گیا۔
دونوں رہنماؤں نے باہمی فیصلوں پر عمل درآمد اور علاقائی و عالمی امور پر تفصیلی گفتگو کی۔واضح رہے کہ "IOMed” کا قیام عالمی سطح پر پرامن ثالثی کو فروغ دینے، بین الاقوامی قانون کی پاسداری اور متبادل تنازعات کے حل کے لیے اہم قدم سمجھا جا رہا ہے۔
تمباکو کی لعنت: میرپورخاص کی ہول سیل مارکیٹوں سے عالمی نقصانات تک.تحریر: سید شاہزیب شاہ
پاکستان ریلویز کی 11 ماہ میں 83 ارب روپے کی ریکارڈ آمدن
سوراب حملہ، وزیراعظم اور وزیر داخلہ کی شدید مذمت، شہید کو خراج عقیدت
