تنگوانی (باغی ٹی وی، نامہ نگار منصور بلوچ ٰ)ڈاکوؤں کی اندھا دھند فائرنگ، تین کار سوار شدید زخمی، سکھر منتقل
تنگوانی کے قریب انڈس ہائی وے پر واقع ٹھل-کندھ کوٹ کے معصوم شاہ سٹاپ پر ڈاکوؤں نے رات دیر گئے ایک کار کو لوٹنے کی کوشش کے دوران اندھا دھند فائرنگ کر دی۔ کار نہ روکنے پر ڈاکوؤں نے فائرنگ کر کے تین افراد عابد علی، حامد اور سجاد علی بھلکانی کو شدید زخمی کر دیا۔ واردات کے بعد ملزمان با آسانی فرار ہونے میں کامیاب ہو گئے۔
زخمیوں کو ابتدائی طبی امداد کے لیے فوری طور پر کندھ کوٹ ہسپتال منتقل کیا گیا، تاہم ان کی حالت نازک ہونے کے باعث انہیں سکھر ہسپتال ریفر کر دیا گیا ہے۔ واقعے کے بعد پولیس تا حال خاموش تماشائی بنی ہوئی ہے اور ملزمان کی گرفتاری کے لیے کوئی عملی اقدام سامنے نہیں آیا، جس پر شہریوں میں شدید غم و غصہ پایا جاتا ہے۔
